Eskolentzako Jarduerak

Espedizioekin elikaturiko gure hezkuntza proiektua Bizkaiko eskola umeei eskaini nahi diegu. Honen helburuak bi dira: KONTZIENTZIATZEA: alde batetik, nabigazioa eta talde lanarekin erlazionaturiko baloreak helaraztea; eta bestetik, laguntzea gazte eta eskola-umeak jabe daitezen Planetan eta Ozeanoetan gizakien jarduerak sorturiko eraginez. PARTEHARTZEA: eskola-ume eta gazteek ingurugiroarekiko eta bertako bioaniztasunarekiko zaintzaren erantzukizuna garatu dezatela egunerokotasunean. Horretarako, gure jardueretan parte hartu nahi [...]

Espedizioekin elikaturiko gure hezkuntza proiektua Bizkaiko eskola umeei eskaini nahi diegu.
Honen helburuak bi dira:

KONTZIENTZIATZEA: alde batetik, nabigazioa eta talde lanarekin erlazionaturiko baloreak helaraztea; eta bestetik, laguntzea gazte eta eskola-umeak jabe daitezen Planetan eta Ozeanoetan gizakien jarduerak sorturiko eraginez.
PARTEHARTZEA: eskola-ume eta gazteek ingurugiroarekiko eta bertako bioaniztasunarekiko zaintzaren erantzukizuna garatu dezatela egunerokotasunean.
Horretarako, gure jardueretan parte hartu nahi duten eskolei zera eskaintzen diogu, Getxoko kirol portuan aurkitzen den gure egoitzara etor daitezela, eta zuzenean ezagutu dezatela belauntzia, tripulazioa eta batez ere, Pakea Bizkaia barruko bizipenak. Bisitaldian, belauntzian eta portuetan grabaturiko imajinak ikusiko dira; belauntzi barruko eta lan-taldeko alde garrantzitsuenak azpimarratuz. Honetaz gain, ingurugiro-hezkuntzako jarduerak burutuko ditugu, eta arlo ezberdinak ukituko ditugu, energia berriztagarrien garrantzia; gizakiaren ekintzek sorturiko kalte ekologikoak; bioaniztasunaren eta itsas inguruaren garrantzia; Ozeanoen errespetua; eskoletan eta etxeetan baliabide naturalen erabilera jasangarria; etab.
Portura etorri ezin daitezken ikastetxeen kasuan, taldeko hainbat kide ikastetxera gerturatuko dira, eta bertan espedizioko imajinak erakutsi eta txarla-hizketaldi bat burutuko dute.
Informazio gehiago jaso nahi bada, kontaktuan jarri telefonoz edo emailez.